幫緊你應援團｜MIRROR為單親媽媽粉絲送上驚喜 小鏡粉跟偶像AK合照開心到爆喊

由MIRROR成員Lokman（楊樂文）、Tiger（邱傲然）及Alton（王智德），聯同阿妹（岑樂怡）主持的ViuTV全新節目《幫緊你應援團》昨晚（6日）首播。節目內眾人會接受各式各樣的任務，為不同的人完成夢想、送上驚喜。第一集的主角是單親媽媽Catherine，她和一對仔女皆是「鏡粉」，Catherine身為「粉絲媽媽團」的成員，是Jer（柳應廷）的「鐵粉」，而仔女分別是AK（江𤒹生）及Jeremy（李駿傑）粉絲。Lokman想出假錄影的方法，叫媽媽團的仔女跳舞拍片送給MIRROR，中途部分成員會閃現，給大家一次近距離接觸偶像的機會。

{{hket:inline-image name="09071011.jpg"}}{{/hket:inline-image}}

{{hket:inline-image name="09071004.jpg"}}{{/hket:inline-image}}

C AllStar老闆│阿拔開手機APP頻見姜濤嗌討厭 斥MIRROR壟斷廣告：擾民級別【下一頁】

節目內問到追MIRROR的瘋狂事，Catherine分享：「知道佢哋會出席一個扭蛋開幕典禮，跟住晨早送完小朋友返學，就同幾個媽媽就揸車出去，可能出到去係（朝早）九點幾嘅時間，但要等到一點鐘（MIRROR）先出場；等完出場之後，我哋仲要排隊入去扭蛋，再喺街度同人哋交換，呢件事對於我嚟講係幾瘋癲。」不過Catherine一對仔女沒有認為媽咪只顧追星，忽略照顧他們，反而笑言多了自由時間，弟弟更一度講到手舞足蹈。

Lokman回憶當日扭蛋活動是「超級曬」，大讚媽媽團很得意，而Catherine一家人之間不單止純粹互相分享圖片，亦因此多了互動，「好神奇呢件事，原來我哋可以咁樣存在，發射咗啲能量畀佢哋，然後佢哋好直接將能量再發射出去，可能發射咗畀囝囝囡囡，關心佢哋、愛佢哋多咗，然後將這個力量發射畀唔同家庭，再聚集埋一齊有呢個小組……覺得呢個力量比我想像中大好多，原來我哋責任唔簡單，有唔同嘅一啲存在原因。我覺得呢件事好得意、好美好，原來生命真係可以影響生命。」

{{hket:inline-image name="09071012.jpg"}}{{/hket:inline-image}}

{{hket:inline-image name="09071023.jpg"}}{{/hket:inline-image}}

力圖打排球│肥仔@ERROR下體慘食波餅向Edan@MIRROR報仇 謝影雪鄧俊文為Jer大打出手【下一頁】

媽媽團成員的仔女獲安排跟排舞師Rock學跳MIRROR的快歌《IGNITED》，之後第二日到商場進行錄影拍攝，拍攝途中AK、Tiger及Alton（王智德）突然出現，全場即時尖叫，小朋友不敢相信偶像會出現在身旁；Catherine細仔跟AK見面及合照時，更是喜極而泣，場面令人感動。而Catherine大女收到MIRROR親筆簽名的演唱會Box Set時，同樣流下開心的眼淚。

（↓點擊放大睇圖片↓）

AK表示：「一話影相佢（Catherine細仔）行到我身邊，佢講嘢都好溫柔，然後問佢做咩喊？佢話『我冇喊，只係笑咋嘛！』。我覺得佢係一個好可愛嘅男仔，多謝佢支持。我哋只係一個目標，我哋都會老，你一定會超越我哋，所以放心去追你想做嘅嘢。」Tiger則說：「佢哋真係好開心、好享受，我覺得係一件好有意義嘅事，對每一個人、每一個家庭嘅意義都唔同。可能有啲人覺得做到想做嘅事，或者嚟到真係畀到驚喜佢哋，令到佢哋真係好開心，所以呢個意義係唔同，呢個正能量會感染到大家。」

撰文：梁榮達

同場加映：師傅愛你丨七仙羽驚艷客串演出MV 送9條毛助「鬼王」潘紹聰財氣

{{hket:ul-video id="4089"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】